ឯកឧត្តម ខៀវ កាញារីទ្ធិ អនុញ្ញាតឲ្យប្រធានសមាគមសារព័ត៌មាន អេឡិចត្រូនិច អឹម អេស ជេ ចូលជូបសំណេះសំណាល និងសម្តែងការគួរសម ក្នុងឱកាសចូលឆ្នាំថ្មី២០២៣
ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅព្រឹកថ្ងៃទី១២ ខែមេសា ឆ្នាំ២០២៣ បានអនុញ្ញាតឲ្យប្រធានសមាគម អេឡិចត្រូនិច អឹម អេស ជេ ដឹកនាំក្រុមការងារសមាជិក សមាជិការ ចូលជួបសំណេះសំណាល និងសម្តែងការគួរសម ក្នងឱកាសអបអរសារទពិធីបុណ្យចូលថ្មីប្រពៃណីជាតិខ្មែរ។
នាឱកាសដ៏មានមានតម្លៃនេះដែរ ឯកឧត្តម ម៉េង សោភ័ណ ប្រធានសមាគមសារព័ត៌មាន អេឡិចត្រូនិច អឹម អេស ជេ បានអនុញ្ញាតជម្រាបជូនឯកឧត្តមរដ្ឋមន្ត្រីក្រសួងព័ត៌មាន អំពីសមិទ្ធផល និងការអភិវឌ្ឍន៍ រីកចម្រើនរបស់សមាគម ដែលបានរួមចំណែកបណ្តុះបណ្តាលបងប្អូនក្រុមអ្នកសារព័ត៌មានរាប់រយនាក់ ជាពិសេសក៏បានចូលរូមក្នុងកិច្ចការងារសង្គមផងដែរ។
ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានគាំទ្រនូវសមកម្មភាពនានារបស់សមាគមសារព័ត៌មាន អេឡិចត្រូនិច អឹម អេស ជេ ដែលបានរួមចំណែកលើស្ទួយវិស័យសេរីសារព័ត៌មាននៅកម្ពុជា ជាពិសេសក្នុងកិច្ចការងារជួយសង្គមតែម្ត។ រដ្ឋមន្ត្រីក្រសួងព័ត៌មាន បានលើកទឹកចិត្ត និងជំរុញបន្ថែមដល់សមាគមន៍ក្នុងកិច្ចការងារពង្រឹងវិស័យសារព័ត៌មាន ដែលជាផ្នែកមួយក្នុងការងារជួយសង្គមជាតិយើង។
សម្រាប់ឱកាសដ៏វិសេសវិសាលនេះដែរ ឯកឧត្តម ម៉េង សោភ័ណ ប្រធានសមាគមសារព័ត៌មាន អេឡិចត្រូនិច អឹម អេស ជេ បាននាំយកនូវអង្ករចំនួន២តោន និងទឹកសុទ្ធ៥០កេសផងដែរ៕
