ទីតាំងបនល្បែងស៊ីសងសង្វៀនមាន់ជល់លើដី និងបៀរអាប៉ោង របស់ឈ្មោះ ទី នៅស្រុកព្រៃនប់ត្រូវកម្លាំងសមត្ថកិច្ចចុះបង្ក្រាប
ខេត្តព្រះសីហនុ ៖ កម្លាំងអធិការនគរបាលស្រុកព្រៃនប់ចុះបង្ក្រាបទីតាំងសង្វៀនមាន់ជល់លើដី របស់ឈ្មោះ ទី ដែលម្តុំមនុស្សចូលលេងយ៉ាងអនាធិតេយ្យ ស្ថិតនៅចំណុចភូមិថ្មដា ឃុំសំរុង ស្រុកព្រៃនប់ ខេត្តព្រះសីហនុ។
ហេតុការណ៍ចុះបង្ក្រាបសង្វៀនមាន់ជល់ខាងលើនេះ បានធ្វើឡើង កាលពីវេលាម៉ោង៣,០០នាទី ថ្ងៃទី៣១ ខែតុលា ២០២១ នៅចំណុចផ្លូវគ្រោះក្រហម ផ្លូវចូលស្ទឹងហាវ គ.ម.2 ។
ចំណែក មនុស្សដែលបានចូលទៅលេងល្បែងស៊ីសងសង្វៀនមាន់ជល់ខាងលើ ខណៈដែលឃើញសមត្ថកិច្ចចុះទៅបង្ក្រាប ក៏នាំគ្នារត់ចេញពីទីតាំងល្បែងនោះព្រាត ដោយបន្សល់ទុកត្រឹមតែវត្ថុតាងមួយចំនួននៅទីតាំងនោះ។
ក្រោយការបង្ក្រាបសង្វៀនជល់មាន់លើដីខាងលើ កម្លាំងនគរបាលស្រុកព្រៃនប់ បានប្រមូលយកវត្ថុតាងមួយចំនួន ដែលនៅចំណុចវង់ល្បែងស៊ីសងខាងលើ ទៅរក្សាទុកនៅអធិការនគរបាលស្រុកព្រៃនប់ ដើម្បីចាត់តាមនិតិវិធី៕
