ឯកឧត្តម ម៉ៅ ធនិន អភិបាលខេត្តកំពត អញ្ជើញចុះដោះស្រាយរឿង”ក្តី”ដីធ្លីប្រជាពលរដ្ឋ ពាក់ព័ន្ធជាមួយដីក្រុមហ៊ុន សេង សម្បត្តិ ដែលកំពុងសាងសង់វីឡាលក់ នៅស្រុកដងទង់
ខេត្តកំពត: យោងតាមផេកផ្លូវការរបស់ ឯកឧត្តម ម៉ៅ ធនិន អភិបាលខេត្តកំពត បានបញ្ជាក់ថា នៅព្រឹកថ្ងៃទី២៤ ខែតុលា ឆ្នាំ២០២១នេះ ឯកឧត្តមបានអញ្ជើញចុះធ្វើការដោះស្រាយ “ក្ដី “ជូន ពលរដ្ឋ នៅចំណុចភូមិស្រែជាខាងកើត ឃុំដងទង់ ស្រុកដងទង់ ខេត្តកំពត។
ពាក់ព័ន្ធករណីនេះ ឯកឧត្តម បានបើកពិធីដោះស្រាយ ដីធ្លីនៅបរិវេណសាលាស្រុកដងទង់ ខេត្តកំពត ដែលបានការចូលរួមពីឯកឧត្តម ជឹង ផល្លា ប្រធានក្រុមប្រឹក្សាខេត្តគណៈអភិបាល រងខេត្តមន្ទីរជំនាញអាជ្ញាធរស្រុក ភូមិ ឃុំ និងតំណាងក្រុមហ៊ុនសេងសម្បត្តិ ព្រមទាំងប្រជាពលរដ្ឋជាច្រើននាក់ទៀត ។
ឯកឧត្តមបានបញ្ជាក់ថា ករណីផលប៉ះពាល់ដីធ្លី វាងប្រជាពលរដ្ឋចំនួន ១៩គ្រួសារ រស់នៅ ក្នុងភូមិស្រែជា ខាងជើងឃុំដងទង់ និងក្រុមហ៊ុន សេង សម្បត្តិ ជាច្រើនខែត្រូវបានបញ្ចប់ នា ព្រឹកថ្ងៃទី២៤ ខែ តុលា ឆ្នាំ ២០២១ នេះ ក្រោមវត្តមានរបស់ ឯកឧត្ដម ម៉ៅ ធនិន អភិបាលនៃ គណៈអភិបាលខេត្តកំពត ដែលបានប្រើប្រាស់ ឋានានុក្រមគ្រួសារប្រជាពលរដ្ឋ ចូលរួម សម្របសម្រួលដោះស្រាយជូនពួកគាត់ ដោយឈរលើភាពត្រឹមត្រូវតម្លាភាពនិងយុត្តិធម៌ ចំពោះពួកគាត់ ដោយទទួលបានភាពយុត្តិធម៌ទាំងអស់ គ្នា ។
