កម្លាំងអាវុធហត្ថខេត្តព្រះសីហនុ ចុះបង្ក្រាបបានគ្រឿងញៀនជិត៩០០គីឡូក្រាម នៅក្រុងព្រះសីហនុ
ថ្ងៃចេញផ្សាយៈ December 14, 2022
ខេត្តព្រះសីហនុ៖ កម្លាំងកងរាជអាវុធហត្ថខេត្តព្រះ សីហនុ កាលពីរសៀលថ្ងៃទី១១ ធ្នូ ម្សិលមិញ ចុះបង្ក្រាបបានគ្រឿងញៀនចំនួន៣៤បាវ ដែលមានទម្ងន់រហូតដល់៨៨៤គីឡូក្រាម នៅចំណុចឃ្លាំងជួលមួយកន្លែង ស្ថិតនៅក្រុម៩ ភូមិ២ សង្កាត់លេខ១ ក្រុងព្រះសីហនុ ។
ពាក់ព័ន្ធករណីនេះលោក ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានប្រាប់ក្រុមអ្នករាយការណ៍ព័ត៌មានថាសមត្ថកិច្ចបានបើកការស្រាវជ្រាវរហូតឈានទៅដល់ការបង្ក្រាបករណីជួញដូរគ្រឿងញៀន រកឃើញគ្រឿងញៀនជិត៩០០គីឡូក្រាម ។
បច្ចុប្បន្នវត្ថុតាងទាំងនោះត្រូវរក្យាទុកនៅបញ្ជាការដ្ឋានកងរាជអាវុធហត្ថខេត្តព្រះសីហនុ ដើម្បីបន្តនីតិវិធី។
បើទោះជាដូចច្នេះក៏ដោយ ពុំមានជនសង្ស័យណាម្នាក់ក្នុងករណីនេះត្រូវបានចាប់ខ្លួនទេ អំឡុងការបង្ក្រាបនៅពេលជាមួយគ្នានោះ ៕
