លោក អ៊ុំ ប៉ូល័ក្ខ ប្រធានច្រកទ្វាអន្តរជាតិម៉ឺនជ័យខេត្តព្រៃវែង កំពុងបើកភ្លើងខៀវឱ្យបទល្មើសធ្យូង និងទំនិញគេចពន្ធផ្សេងទៀតចរាចរណ៍ឆ្លងកាត់ទាំងយប់
ខេត្តព្រៃវែង៖ ក្រុមអ្នកស្រុកកំចាយមារថា នៅក្នុងអំឡុងដើមខែវិច្ឆិកា ឆ្នាំ២០២២នេះ លោក អ៊ុំ ប៉ូល័ក្ខ ប្រធានច្រកទ្វាអន្តរជាតិម៉ឺនជ័យ ខេត្តព្រៃវែង បាននឹងកំពុងបើកភ្លើងខៀវឱ្យទំនិញគេចពន្ធនាំចេញពីប្រទេសកម្ពុជា ឆ្លងដែនចូលប្រទេសវៀតណាម និងពីប្រទេសវៀតណាម ចូលមកកម្ពុជា តាមច្រកអន្តរជាតិម៉ឺនជ័យទាំងយប់ ជារៀងរាល់យប់។
ជាក់ស្តែង កាលពីថ្ងៃទី២៨,២៩ ខែវិច្ឆិកា ឆ្នាំ២០២២នេះ ចំណុចច្រកទ្វាអន្តរជាតិម៉ឺនជ័យ ត្រូវគេឃើញមានដាក់បារាស់បំភ្លឺដោយបំពូលភ្លើងជាច្រើន និងដាក់ខ្សែរបារាស់ទទឹងផ្លូវមានដាក់កុងត្រូលឱ្យមន្ត្រីនគរបាលមួយចំនួននៅចាំយាមចំណុចប៉ុស្តិ៍ ដែលស្ថិតនៅភូមិ-ឃុំ ក្របៅ ស្រុកកំចាយមារ ខេត្តព្រៃវែង។ នៅច្រកទ្វាអន្តរជាតិម៉ឺនជ័យ តាំងពីព្រលប់រហូតទល់ភ្លឺតែម្តង ចាំរាប់ក្បាល់ឡានដឹកទំនិញចេញចូលតាមច្រកអន្តរជាតិម៉ឺនជ័យ ខាងលើនេះ។
អ្នកភូមិក្នុងឃុំក្របៅបានឲ្យដឹងទៀតថា លោក អ៊ុំ ប៉ូល័ក្ខ ដែលជាប្រធានទីស្នាក់ការត្រួតពិនិត្យច្រកទ្វាអន្តរជាតិម៉ឺនជ័យ រូបនេះមួយរយៈនេះត្រូវបានគេសង្កេតឃើញថាទំនិញគ្រប់ប្រភេទដែលដឹកឆ្លងកាត់តាមច្រកទ្វាទ្វេភាគ្គីម៉ឺនជ័យ និងស្រុកតឹងបៀនខេត្តតៃនិញប្រទេសវៀតណាម ។
ជាក់ស្តែង ទំនិញដែលដឹកជញ្ជូននាំចេញ រឺចូលពីប្រទេសមហាមិត្តពីវៀតណាមចូលមកកម្ពុជានោះ នៅពេលថ្ងៃមិនសូវមានប៉ុន្មានទេ តែបើពេលយប់វិញនោះ គឺដឹងថានាំគ្នាដឹកក្នុងមួយយប់ៗទល់ភ្លឺតែម្តង។ លុះមកដល់ព្រឹកឡើងនៅថ្ងៃទី៣០ វិច្ឆិកា ២០២២ មានមន្ត្រីប៉ូសម្នាក់ប្រចាំច្រកម៉ឺនជ័យឈ្មោះ ស៊ាង ឡែន លេខទូរស័ព្ទ 012353562)បានមកប្រាប់អ្នកកាសែតក្នុងស្រុកថា មេខ្ញុំបញ្ជាថាសុំឲ្យប្រាប់ក្រុមអ្នកកាសែតចាកចេញពីទីតាំងច្រកទ្វាព្រំដែនម៉ឺនជ័យ ព្រោះគេពិបាកឲ្យនាំទំនិញចេញចូលឆ្លងទៅប្រទេសវៀតណាម។
ពាក់ព័ន្ធករណី ទំនិញគេចពន្ធដោយមានការឃប់ឃឹតគ្នាជាប្រព័ន្ជដែលមានមន្ត្រីឈរជើងប្រចាំការនៅច្រកទ្វាទ្វេភាគ្គីអន្តរជាតិ ម៉ឺនជ័យ ដូចជាមន្ត្រី គយ នគរបាលទទួលផ្នែកអន្តប្រវែសន៍ និងប្រធានស្នាក់ការត្រួតពិនិត្យ លោក អ៊ុំ ប៉ូល័ក្ខ ប្រជាពលរដ្ឋថា មិនគួរមានការសហការបើកភ្លើងខៀវ ឲ្យមានទំនិញគេចពន្ធអត់ច្បាប់ ឲ្យចរាចរណ៍ដោយលួចលាក់បែបនេះទល់តែសោះ ព្រោះនេះជាដើមហេតុ ដែលធ្វើឲ្យបាត់បង់ចំណូលជាតិយ៉ាងធ្ងន់ធ្ងូ។
បើទោះជាដូចច្នេះក៍ដោយ អ្នកស្រុកកំចាយមារខេត្តព្រៃវែង បានទទូចស្នើរសុំដល់លោក ជា សុមេធី អភិបាលនៃអគណៈអភិបាលខេត្តព្រៃវែង សូមមេត្តាដាក់កម្លាំងស៊ើបអង្កេត ត្រួតពិនិត្យ ឲ្យបានមាត់ចត់ទៅលើមន្ត្រីខិលខូចទាំងនេះផង និងជួយមានវិធានការទប់ស្កាត់ទំនិញគេចពន្ធគ្រប់ប្រភេទចរាចររណ៍ឆ្លងកាត់ច្រកព្រំដែនទ្វេភាគ្គីអន្តរជាតិម៉ឺនជ័យនេះផង៕
