កម្លាំងអាវុធហត្ថស្ទាក់ចាប់រថយន្តឃ្លុបដឹកឈើ១គ្រឿង បញ្ជូនឲ្យជំនាញមេព្រៃចុងផ្លាសស្រែព្រះចាត់ការតាមច្បាប់
ខេត្តមណ្ឌលគិរី: កម្លាំងអាវុធហត្ថស្នាក់ការសន្តិសុខ៧៦១ ចំនួន០៣នាក់ ៨.៣០នាទី ថ្ងៃទី២៨ ខែឧសភា ឆ្នាំ២០២២នេះ ដោយបានយករថយន្ត០២គ្រឿង អាវុធAk៤៧ចំនួន០២ដើម ដឹកនាំដោយលោក វសេនីយ៍ត្រី សាក់ សុគុណ ប្រធានស្នាក់ការ៧៦១ បានចុះស្ទាក់ចាប់រថយន្ត០១គ្រឿង ម៉ាកហ៊ីយ៉ាន់ដាវ ពណ៍ស ពាក់ស្លាកលេខភ្នំពេញ 3E6073 ដឹកឈើខុសច្បាប់ប្រភេទលេខ១(គគី)ចំនួន២៨០សន្លឹក មិនទាន់វាស់ ស្ថិតនៅចំនុចU T M0695134 1339751 ស្ថិតនៅភូមិឆ្នែង ឃុំស្រែខ្ទុម ស្រុកកែវសីមា។
ខណៈពេលដែលកម្លាំងអាវុធហត្ថចុះបង្ក្រាបរថយន្តឃ្លុបដឹកឈើចំនួនមួយគ្រឿងខាងលើនេះ ចំណែកម្ចាស់រថយន្តឈើ ពុំត្រូវបានឃាត់ខ្លួននោះទេ គ្រារនោះអាវុធហត្ថរឹបហូសបានត្រឹមតែរថយន្តនិងឈើតែប៉ុណ្ណោះ។ បច្ចុប្បន្ន វត្ថុតាងខាងលើនេះ ត្រូវបានកម្លាំងជំនាញប្រគល់ទៅអោយនាយសង្កាត់រដ្ឋបាលព្រៃឈើចុងផ្លាស់ស្រែព្រះ ដើម្បីបន្តតាមនិតិវិធី៕
