បាក់រណ្ដៅរ៉ែមាសស្លាប់៤នាក់ នៅស្រុកសណ្តានខេត្តកំពង់ធំ
ខេត្តកំពង់ធំ៖ សមត្ថកិច្ចបាននិយាយថា យ៉ាងហោចណាស់បុរស៤នាក់បានស្លាប់ កាលពីថ្ងៃទី៤ ឧសភាព ម្សិលមិញដោយសារការបាក់រណ្ដៅរ៉ែមាសនៅក្នុងភូមិស្នងអន ឃុំសុចិត្រ ស្រុកសណ្ដាន់ ខេត្តកំពង់ធំ ។
ជនរងគ្រោះមានឈ្មោះដូចខាងក្រោម៖
ទី១.ឈ្មោះ បៀន ហោ ភេទប្រុស អាយុ ២៨ ឆ្នាំ រស់នៅភូមិវាលព្រីង ឃុំឈើទាល ស្រុកសណ្ដាន់
ទី២.ឈ្មោះ សុខ ឈាន់ ភេទប្រុស អាយុ ៣៨ឆ្នាំ រស់នៅភូមិផ្ទោល ឃុំមានជ័យ ស្រុកសណ្ដាន់
ទី៣.ឈ្មោះ យឹម ចិត្ត ភេទប្រុស អាយុ ៣១ ឆ្នាំ រស់នៅភូមិ វាលព្រីង ឃុំឈើទាល ស្រុកសណ្ដាន់ និងទី៤.ឈ្មោះ ពេល វុទ្ធី (តាវ៉ែនតា) ភេទប្រុស អាយុ ២៩ឆ្នាំ រស់នៅភូមិទួលថ្ម ឃុំតាលោ ស្រុកបាកាន ខេត្តពោធិ៍សាត់។
រីឯម្ចាស់រណ្ដៅឈ្មោះ ស្វាយ ភឿន អាយុ ៣៣ឆ្នាំ ប្រពន្ធ ឈ្មោះ មឿន សុខវី អាយុ ៣១ឆ្នាំ រស់នៅភូមិវាលព្រីង ឃុំឈើទាល ស្រុកសណ្តាន់ ខេត្តកំពង់ធំ ។
ពលរដ្ឋនៅកន្លែងកើតហេតុថា មានរណ្ដៅមាសជាច្រើនកំពុងតែធ្វើសកម្មភាពយ៉ាងក្ដៅគគុកក្រោមអំពើពុករលួយដោយគ្មានច្បាប់ និងបទដ្ឋានបច្ចេកទេសត្រឹមត្រូវ។ ហើយកាលពីប៉ុន្មានខែមុនបុរសម្នាក់បានស្លាប់នៅក្នុងរណ្ដៅរ៉ែ ចំណុទីតាំងម្តុំនេះដែរ។
ចំណែកក្រុមមន្ត្រីជំនាញបានចុះទៅពិនិត្យ រួចត្រឡប់មកវិញភ្លាមៗខណៈសំណុំរឿងនោះត្រូវបានគេបិទជិតរហូតមកដល់ថ្ងៃនេះ ៕
