ឯកឧត្តមសាស្ត្រាចារ្យ ម៉ម ប៊ុនហេង បើកសិក្ខាសាលា គិលានុបដ្ឋាយិកា
ភ្នំពេញ: នៅព្រឹកថ្ងៃទី១៦ ខែមិថុនាឆ្នាំ២០២២នេះឯកឧត្តមសាស្ត្រាចារ្យ ម៉មប៊ុនហេង រដ្ឋមន្ត្រីមន្ត្រី ក្រសួងសុខាភិបាល បានអញ្ជើញ ជាអធិបតីក្នុងពិធីទិវាគិលានុបដ្ឋាក អន្តរជាតិឆ្នាំ២០២២ ក្រោមប្រធានបទ (គិលានុបដ្ឋាករួមគ្នា ធ្វើឲ្យប្រសើរឡើង នូវការថែទាំ និងការគោរព សិទ្ធិអតិថិជន ដើម្បីធានាបាន នូវសុខភាពជាសកល)នៅសណ្ឋាគារភ្នំពេញ។
ឯកឧត្តម រដ្ឋមន្ត្រី ម៉ម ប៊ុនហេង គូសបញ្ជាក់ថា គិលានុបដ្ឋាក គឺជាបេះដូង នៃការផ្ដល់សេវាដែល មានគុណភាព និងសុវត្ថិភាពដល់អ្នកជំងឺនិងអតិថិជន។ គិលានុបដ្ឋាកនិងឆ្មប ជាអ្នកផ្ដល់សេវាទាំងផ្លូវកាយ ផ្លូវចិត្ត សង្គមនិងតាមជំនឿ សាសនា និងថែទាំតាម បែបបុគ្គល ជាមជ្ឈមណ្ឌល។
ម្យ៉ាងវិញទៀត ពួកគេគឺជាសមាជិក ក្នុងសហគមន៍ ដែលពួកគេបម្រើការ យល់ពីវប្បធម៌នឹងកន្លែង និងអាចមាន ឥទ្ធិពលក្នុងការផ្លាស់ប្តូរឥរិយាបថ ស្របតាមក្រមសីលធម៌ គិលានុបដ្ឋាក៕
