គណៈកម្មាធិការត្រួតពិនិត្យគ្រឿងញៀនខេត្តកំពង់ស្ពឺបានរៀបចំការផ្សព្វផ្សាយក្នុងពិធីតាំងពិព័រណ៍អបអរសាទរបុណ្យឆ្លងឆ្នាំសាកល២០២៥
ខេត្តកំពង់ស្ពឺ: ថ្ងៃទី២៩ ខែធ្នូ ឆ្នាំ២០២៤ បណ្ឌិត តូច ប៉ូលីវ៉ា អភិបាលរង និងជាប្រធានលេខាធិការដ្ឋានគណកម្មាធិការជួបពិនិត្យគ្រឿងញៀនខេត្តកំពង់ស្ពឺបានប្រាប់ឲ្យដឹងថាដោយមានការចូលរួមគាំទ្រពីកំលាំងនគរបាលស្នងការដ្ឋាននគរបាលខេត្ត កំលាំងកងរាជអាវុធហត្ថខេត្ត សហភាពសហព័ន្ធយុវជនកម្ពុជាខេត្តកំពង់ស្ពឺនិងអ្នកពាក់ព័ន្ធយើងបានចូលរួមផ្សព្វផ្សាយក្នុងពិធីតាំងពីពណ៌ដើម្បីអបអរសាទរឆ្លងឆ្នាំថ្មីសាកល២០២៥។
បណ្ឌិត តូច ប៉ូលីវ៉ា បានប្រាប់ឱ្យដឹងពីគោលបំណងថា គឺដើម្បីលើកកម្ពស់ការងារផ្សព្វផ្សាយអប់រំពីបញ្ហាគ្រឿងញៀនដល់ប្រជាពលរដ្ឋនៅខេត្តកំពង់ស្ពឺក៏ដូចជាសាធារណជនដែលមកទស្សនាខេត្តកំពង់ស្ពឺទាំងអស់ពីបញ្ហាគ្រឿងញៀនក៏ដូចជាApp NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀនដើម្បីពួកគាត់បានដឹងកាន់តែច្បាស់ហើយពួកគាត់អាចចូលរួមជាមួយអាជ្ញាធរមូលដ្ឋានក្នុងការបង្ការទប់ស្កាត់បញ្ហាគ្រឿងញៀននៅក្នុងមូលដ្ឋានរបស់ពួកគាត់។
ក្នុងនាមឯកឧត្តម ជាម ច័ន្ទសោភ័ណ អភិបាលនិងជាប្រធានគណៈកម្មាធិការត្រួតពិនិត្យគ្រឿងញៀនខេត្តកំពង់ស្ពឺ បណ្ឌិត តូច ប៉ូលីវ៉ា សូមថ្លែងអំណរគុណនិងកោតសរសើរដល់កម្លាំងមានសមត្ថកិច្ចនិងអ្នកពាក់ព័ន្ធរបស់យើងដែលបានចូលរួមសកម្មភាពផ្សព្វផ្សាយលើកកម្ពស់ចំណេះដឹងពាក់ព័ន្ធនឹងបញ្ហាគ្រឿងញៀននិង App NoDrug នេះ ។
ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈបានជម្រាបជូនផងដែរថា ការផ្សព្វផ្សាយនេះយើងធ្វើជាលក្ខណៈទូទៅគ្រប់រាជធានីខេត្តតាមគ្រប់រូបភាពលទ្ធភាពសំដៅធ្វើយ៉ាងណាពញ្ញាក់នូវស្មារតីរបស់ប្រជាពលរដ្ឋឲ្យចូលរួមដើម្បីការងារប្រយុទ្ធប្រឆាំងគ្រឿងញៀនក៏ដូចជាការបង្ការទប់ស្កាត់បញ្ហាគ្រឿងញៀននៅក្នុងសហគមន៍របស់យើង និងសូមឱ្យប្រជាពលរដ្ឋទាំងអស់ប្រើប្រាស់ App NoDrug ទាំងអស់គ្នាដើម្បីរួមគ្នាធ្វើឲ្យការងារប្រយុទ្ធប្រឆាំងគ្រឿងញៀនកាន់តែមានប្រសិទ្ធភាពនិងមានដំណោះស្រាយរាល់ករណីគ្រឿងញៀន៕
