ឈ្មូញឈើខុសច្បាប់ឈ្មោះចែបូរ នៅមេម៉ង់ស្រុកកែវសីមាកំពុងសម្រុកដឹកឈើចេញពីព្រៃបរិស្ថានមេម៉ង់ ស្រុកកែវសីមា ចូលសិប្បកម្មកែឆ្នៃដោយគ្មានច្បាប់លក់ឱ្យជនជាតិវៀតណាម
ខេត្តមណ្ឌលគិរី៖ ក្រុមអ្នកភូមិបានឱ្យដឹងថា ឈ្មួញឈើដែលគេស្គាល់ត្រឹមតែឈ្មោះ ចែបូរ គេបានបើកសិប្បកម្មកែឆ្នៃឈើដោយខុសប្បាប់ ដែលគេប្រើលុយជាច្រើនសន្ធឹកសន្ថប់ ឱ្យកម្មករចូលទៅកាត់ឈើពីព្រៃបរិស្ថានមេម៉ង់ដឹកចូលសិប្បកម្មកែឆ្នៃឈើលក់ដោយខុសច្បាប់។
ក្រុមអ្នកភូមិបាននិយាយទៀតថា ក្នុងឈ្មួញរកស៊ីជំនួញឈើគ្មានច្បាប់ជាច្រើនដែលគេមានផ្ទះស្នាក់នៅមេម៉ង់ស្រុកកែវសីមាខេត្តមណ្ឌលគិរីនោះ ត្រូវបានគេសង្កេតឃើញថា ដោយឈ្មួញទាំងនេះមានជីវភាពធូធារឺឈ្មួញខ្លះបានប្រកបមុខរបរថ្មីអស់ទៅហើយ។
ចំណែកឈ្មួញឈើចែ បូរ វីញ ត្រូវបានគេឃើញនៅតែមរមាញឹកក្នុងការដឹកជញ្ជូនបទល្មើសព្រៃឈើយ៉ាងសកម្មពីមេម៉ង់ស្រុកកែវសីមា ចូលទៅក្នុងខេត្តមណ្ឌលគិរីយ៉ាងគំហុក (តាមរយៈរថយន្តធុនត្រា ជាច្រើនគ្រឿង និងលុចស៊ីស470 ចំនួន២គ្រឿង ដែលមានពណ៌ ស និងពណ៌ ខ្មៅ ស្លាកលេខ ភ្នំពេញ 2AB.4126 ជាដើម។
ជាក់ស្តែង ជារៀងរាល់យប់ និងពេលថ្ងៃ អ្នកភូមិបានប្រទះឃើញមានការដឹកជញ្ជូនតាមរយៈគោរយន្តកែឆ្នៃចេញពីព្រៃការពារដោយបរិស្ថានមេម៉ង់ លួចចូលសិប្បកម្មកែឆ្នៃឈើនៅស្រុកកែវសីមា ហើយឈើទាំងនេះ គេពុំឃើញមានមន្ត្រីជំនាញពាក់ព័ន្ធធ្វើការចុះទប់ស្កាត់ឡើយ។
អ្នកភូមិនិយាយទៀតថា ករណីបំផ្លាញព្រៃឈើនៅក្នុងតំបន់ក្នុងឃុំមេម៉ង់ ស្រុកកែវសីមា ខេត្តមណ្ឌលគិរីនេះ ពួកគាត់មិនពេញចិត្តឱ្យឈ្មួញឈើស្រីឈ្មោះ ចែបូរ រូបនេះបន្តកាត់ឈើចេញពីព្រៃបរិស្ថានមេម៉ង់មកកែឆ្នៃលក់ដោយសេរីបែបនេះឡើយ។
លោក អ៊ូ ភ័ក្តី នាយខណ្ឌរដ្ឋបាលព្រៃឈើខេត្តមណ្ឌលគិរី នៅព្រឹកថ្ងៃទី១២ ខែកក្កដា ឆ្នាំ២០២៤នេះ ក្រោយពីមានសេចក្តីរាយការណ៍ពី BNN និង គេហទំព័រ ស្លាបប៉ាកកាទឹកខ្មៅ slabpakkatikhmav បន្ទាប់ពីក្រុមអ្នកកាសែតជាច្រើនអ្នកបានឈរថតរូបភាពតាមចិញ្ចើមផ្លូវលំមួយខ្សែរ ចេញពីឃុំមេម៉ង់ស្រុកកែវសីមា ភ្ជាប់មកទីរួមខេត្តមណ្ឌលគិរីនោះ លោកក៍បានឱ្យមន្ត្រីជំនាញខណ្ឌរដ្ឋបាលព្រៃខេត្តមណ្ឌលគិរី ចុះធ្វើការត្រួតពិនិត្យ នៅតំបន់ដែលរថយន្តលុចស៊ីសដឹកឈើពីមេម៉ង់ចូលទីតាំងស្តុកបទល្មើសព្រៃឈើនៅក្បែរបងវត្តដំណាក់ស្តេច។
ចំណែកសមត្ថកិច្ចព្រៃឈើ ដែលចុះមកត្រួតពិនិត្យទីតាំងស្តុកឈើចំណុចក្បែរបងវត្តដំណាក់ស្តេចខាងលើនេះ ក្រោយពីមន្ត្រីចុះត្រួតពិនិត្យ ឈ្មួញឈើរូបនេះបានបិទទ្វារបងផ្ទះហើយ បើករថយន្តចាកចេញពីផ្ទះបាត់តែម្តង។ មន្ត្រីជំនាញរដ្ឋបាលព្រៃឈើដែលបានចុះពិនិត្យលើទីតាំងស្តុកឈើមួយកន្លែងនេះ លោកថា បើទោះជាមកលើកនេះមិនបានជួបម្ចាស់ឈើក៍ដោយ តែលោកនិងព្យាយាមខ្លំមើលសកម្មភាពនេះបន្តទៀត។
យ៉ាងណាក៍ដោយ ករណីដឹកជញ្ជូនឈើចេញពី”ឃុំមេម៉ង់ស្រុកកែវសីមា ចូលមកក្នុងក្រុងសែនមនោរម្យខេត្តមណ្ឌលគិរីនេះ ប្រជាពរដ្ឋស្នើរសុំឱ្យលោកឧត្តមសេនីយ៍ត្រី ហែម បូណារ៉ែល មេបញ្ជាការ កងរាជអាវុធហត្ថខេត្តមណ្ឌលគិរី មេត្តាជួយទប់ស្កាត់និងធ្វើការបង្ក្រាបផង ករណីរថយន្តដឹកបទល្មើសព្រៃឈើឈ្មួញឈើឈ្មោះ លោកស្រី បូរ ជាឈ្មួញចាស់វស្សាដែលកំពុងធ្វើសកម្មភាពដឹកជញ្ជូនឈើតាមរយៈរថយន្តសេរីទំនើបម៉ាក ធុនត្រា និង លុចស៊ីស470 ពណ៌ ស និង ពណ៌ ខ្មៅ ចេញពីមេម៉ង់ ចូលខេត្តលក់ឱ្យវៀតណាម ទាំងនេះ៕
