ដីព្រៃការពារដោយបរិស្ថានជាច្រើនហិកតា”នៅចំណុចអូរឡាំប៉ង”ឃុំញ៉ាងស្រុកអណ្តូងមាស ក្រុមឈ្មួញកំពុងដាក់គ្រឿងចក្រឈូសឆាយទន្ទ្រាន់យកដីដោយខុសច្បាប់
ខេត្តរតនគិរី៖ ក្រុមប្រជាពលរដ្ឋបានឱ្យដឹងថា ថ្មីៗនេះផ្នែកខ្លះក្នុងតំបន់ព្រៃការពារដោយបរិស្ថានឃុំញ៉ាងស្រុកអណ្តូងមាស កំពុងមានការកាប់ទន្ទ្រាន់យកដីព្រៃរបស់រដ្ឋការពារដោយមន្ត្រីបរិស្ថានយ៉ាងគំហុក ដោយគ្មានការទប់ស្កាត់ពីមន្ត្រីបរិស្ថានឡើយ។
ពាក់ព័ន្ធការកាប់រំលោភយកដីទាំងនេះត្រូវគេដាក់ការសង្ស័យថា ដោយមានការបើកភ្លើងខៀវពីមន្ត្រីបរិស្ថានស្នាក់ការភូមិចង ឃុំញ៉ាង ស្រុកអណ្តូងមាស។ ជាក់ស្តែង នៅព្រឹកថ្ងៃទី២២ ខែមីនា ឆ្នាំ២០២៤នេះ ក្រោយពីមានសេចក្តីរាយការណ៍ ពីប្រជាពលរដ្ឋថា នៅចំណុចព្រៃការពារដោយបរិស្ថានអូរឡាំប៉ងនេះ ដោយពួកគាត់បានឃើញមានគ្រឿងចក្រកំពុងមានការឈូសឆាយរំលំព្រៃឈើតូចធំ នៅតំបន់ព្រៃការខាងលើនេះ។
ក្រោយទទួលព័ត៌មានពីប្រជាពលរដ្ឋ ក្រុមការងារអង្គភាពសារព័ត៌មានយើងខ្ញុំ ក៍បានចុះទៅធ្វើការស្រាវជ្រាវ នៅចំណុចតំបន់អូរឡាំប៉ងនេះ ក៍បានប្រទះឃើញផ្លែកខ្លះកំពុងកាប់ស្ការព្រៃប្រម៉ូលព្រៃឈើដុះកម្ទេច់ចោលយ៉ាងរំគាល់ ហើយបានមានសងខ្ទមចាស់ និងថ្មី ស្ទើរគ្រប់កន្លែង ចំណែកចំណុចអូរឡាំប៉ងវិញនោះ ត្រូវបានគេឃើញមានគ្រឿងចក្រកំពុងធ្វើការឈូសឆាយព្រៃឈើតូចធំដួលយ៉ាងរណូករណែលលើផ្ទៃដីនៅទីនោះ ហើយក៍ត្រូវបានគេយកគ្រឿងចក្ររួញដាក់គរជាគំនរជាប់ៗគ្នា សម្រាប់ដុះកម្ទេចដើមឈើតូចធំទាំងនេះបំបាត់ផោះតាងនិងវត្ថុតាង ជាដើម។
ករណីឈូសឆាយដីព្រៃការពារដោយបរិស្ថានខាងលើនេះ លោក មាស សារ៉េត អភិបាលស្រុកអណ្តូងមាស យើងមិនអាចសុំការបំភ្លឺបានទេ ពាក់ព័ន្ធករណីឈ្មួញឈូសឆាយរំលោភយកដីព្រៃការពារដោយបរិស្ថានចំណុចអូរឡាំប៉ង ស្ថិតនៅឃុំញ៉ាងស្រុកអណ្តូងមាសខាងលើនេះ។
រីឯ លោក ផុន ខែមរីន្ទ ប្រធានមន្ទីរបរិស្ថានខេត្តរតនគិរី លោកបានឱ BNN និងគេហទំព័រ ស្លាបប៉ាកកាទឹកខ្មៅ slabpakkatikhmav ដឹងថា ករណីឈ្មូញឈូសឆាយព្រៃឈើខាងលើនេះ ក្រោយពីលោកបញ្ជារកម្លាំងមន្ត្រីបរិស្ថាន ដើម្បីធ្វើការចុះត្រួតពិនិត្យលើទីតាំងចំណុចអូរឡាំប៉ង ខាងលើនេះ លោកថា ពិតជាមានការដាក់គ្រឿងចក្រឈូសឆាយដីព្រៃទាំងនេះពិតប្រាកដមែន លោកបន្តថា ការដាក់គ្រឿងចក្រចូលឈូសឆាយព្រៃឈើទាំងនេះ គឺជាគ្រឿងរបស់ក្រុមហ៊ុនមួយនៅជាប់ព្រៃកន្ទុយនាគ។
លើសពីនេះលោកបានបញ្ជាក់ទៀតថា រាល់ការដាក់គ្រឿងចក្រធ្វើការឈូសឆាយព្រៃឈើទាំងនេះ លោកក៍ដឹងមិនច្បាស់ដែរ ចំណុចតំបន់ព្រៃឈើអូរឡាំប៉ងនេះ លោកមិនដឹងថាជាដីព្រៃការពារដោយបរិស្ថាន រឺ ជាព្រៃឈើការពារដោយមន្ទីរកសិកម្មនោះទេ ព្រោះដីព្រៃនិងព្រៃឈើទាំងនេះ មានតែមន្ទីរកសិកម្មទេ ទើបដឹងច្បាស់។
ចំណែកប្រធានមន្ទីរកសិកម្មខេត្តរតនគិរី អង្គភាពព័ត៌មាន យើងខ្ញុំនៅមិនទាន់សុំការបំភ្លឺពីលោកបានទេ BNN និង គេទំព័រ ស្លាបប៉ាកកាទឹកខ្មៅ នឹងព្យាយាមសុំការបំភ្លឺពីលោកបន្តទៀត។
យ៉ាងណាក៍ដោយ ឯកឧត្តម ញ៉ែម សំអឿន អភិបាលនៃគណអភិបាលខេត្តរតនគិរី ក្រោយពីមានសេចក្តីរាយការណ៍ ពីក្រុមអ្នកសារព័ត៌មាន លោកបានឆ្លើយតបតាមប្រព័ន្ធ Telegram ថាលោក ទទួលបានរបាយការណ៍ ពាក់ព័ន្ធករណីដាក់គ្រឿងចក្រឈូសឆាយរំលំព្រៃឈើទន្ទ្រាន់យកដី នៅចំណុចព្រៃការពារដោយបរិស្ថាន(អូរឡាំប៉ងនិយាមប៉ាកាលេខ GMT+70:0014°4.28,685″N17°17’87″E 304°NW Altitude:1180m Speed:o.okm/h)ដែលស្ថិតនៅឃុំញ៉ាងស្រុកអណ្តូងមាស នេះហើយ។
គួរបញ្ជាក់ថា ព្រៃការពារដោយមន្ត្រីបរិស្ថានចំណុច(អូរឡាំប៉ង) ស្ថិតនៅឃុំញ៉ាងស្រុកអណ្តូងមាសខាងលើនេះ កាលពីអំឡុងឆ្នាំ២០១៥ កន្លងទៅកម្លាំងសមត្ថកិច្ចចម្រុះខេត្តរតនគិរី រួមទាំងកម្លាំងបរិស្ថាន ធ្លាប់បានធ្វើការចុះបង្ក្រាប់គ្រឿងចក្រជាច្រើនគ្រឿង និងចាប់ខ្លួនជនជាតិវៀតណាម ជាច្រើនអ្នក ដែលលួចឈូសឆាយធ្វើផ្លូវនៅចំណុចទីតាំងអូរឡាំប៉ងស្ថិតនៅឃុំញ៉ាងស្រុកអណ្តូងមាសខាងលើនេះ។
យ៉ាងណាក៍ដោយ ករណីឈូសឆាយព្រៃឈើទន្ទ្រាន់យកដីព្រៃការពារដោយបរិស្ថានខាងលើនេះ ប្រជាពលរដ្ឋសុំណូមពរដល់ ឯកឧត្តម ញ៉ែម សំអឿន អភិបាលនៃគណអភិបាលខេត្តរតនគិរី សូមលោកមេត្តាពិនិត្យទៅលើក្រុមឈ្មួញដែលកំពុងកាប់រំលំដើមឈើតូចធំ និងព្រៃការពារដោយបរិស្ថានចំណុចអូរឡាំប៉ងនេះផង ដើម្បីចាត់វិធានការក្តៅទៅលើក្រុមឈ្មួញទាំងនេះដោយគ្មានការលើកលែង ព្រោះរយៈពេលកន្លងកម នៅចំណុចអូរឡាំប៉ងដែលក្រុមឈ្មួញកំពុងធ្វើសកម្មភាពឈូសឆាយព្រៃឈើទន្ទ្រាន់យកដីនេះ ធ្លាប់បានអាជ្ញាធរខេត្តនិងកម្លាំងសមត្ថកិច្ចចុះធ្វើការបង្ក្រាបម្តងរួចមកហើយ៕
