កម្លាំងអាវុធហត្ថក្រុងបានលុង ឆ្មក់បង្ក្រាបជនសង្ស័យដែលលួចផ្ទុកអាវុធដោយខុសច្បាប់ នៅសង្កាត់បឹងកន្សែង ក្នុងក្រុងបានលុង
ខេត្តរតនគិរី៖ កម្លាំងមូលដ្ឋានកងរាជអាវុធហត្ថក្រុងបានលុង ខេត្តរតនគិរី ដឹកនាំដោយ លោក អនុសេនីយ៍ឯក ហៃ ចាន់ដារិទ្ធ មេបញ្ជាការរងមូលដ្ឋានកងរាជអាវុធហត្ថក្រុងបានលុង ដោយមានការចង្អុលបង្ហាញពីលោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្តរតនគិរី ដោយមានការសម្របសម្រួលពីលោក ព្រះរាជអាជ្ញារងអមសាលាដំបូងខេត្ត កាលពីវេលាម៉ោង១៩ និង៣០នាទីយប់ ថ្ងៃទី០៨ ខែមករា ឆ្នាំ២០២៤នេះ កម្លាំងអាវុធហត្ថក្រុងបានលុងខេត្តរតនគិរី បានចុះឃាត់ខ្លួនសង្ស័យចំនួន០២នាក់ នៅចំណុចភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី។
ជនសង្ស័យទាំង០២នាក់នេះមានឈ្មោះ រ៉ុន ភានិត បានយកកាំភ្លើងខ្លី ចំនួន១ដើម ប្រគល់ជូនមូលដ្ឋានកងរាជអាវុធហត្ថក្រុងបានលុង បានប្រាប់ថាជាអាវុធរបស់ជនសង្ស័យឈ្មោះ ចាន់ សង្ក្រាន (ហៅបារាំង)ក្រោយពីទទួលព័ត៌មាន នៅវេលាម៉ោង០៨ និង០០នាទីយប់ នៅចំណុចភូមិសាស្ត្រខាងលើនេះ។
ករណីឃាត់ខ្លួនជនសង្ស័យទាំង២នាក់នេះ កម្លាំងអាវុធហត្ថក្រុងបានលុង បានចាប់រឹបអូសវត្ថុតាងដូចជាអាវុធខ្លីម៉ាក CF98-9 000096 ចំនួន ០១ដើម និង បង់កាំភ្លើងចំនួន ០១, គ្រាប់ចំនួន ០២គ្រាប់, ទូរស័ព្ទដៃចំនួន០១គ្រឿង។
ក្រោយការបង្ក្រាប បច្ចុប្បន្នជនសង្ស័យ និង វត្ថុតាងខាងលើការិយាល័យជំនាញបានកសាងសំណុំរឿងបញ្ជូនខ្លួនជនសង្ស័យដែលបានប្រើប្រាស់នៅអាវុធ ខុសច្បាប់ទាំង២នាក់នេះ ទៅតុលាការអមសាលាដំដូងខេត្ត ដើមចាត់ការទៅតាមនីតិវិធីច្បាប់៕
